Walang relihiyon na makapagliligtas sa
tao, ang kailangan lamang niya ay mayroon siyang Faith o paniniwala, pagkatapos
nito ay ligtas niya.
Unang-una
ay dapat muna nating mabatid ang ibig sabihin ng relihiyon. Ano nga ba ang ibig
sabihin nito? Kailangan ba talagang mayroong relihiyon o sapat na nga ang
maniwala lamang at ito ay sapat na? Muli ay aking ipinapauna na sa paghahanap
ng katotohanan, tayo ay nangangailangan ng bukas na kaisipan at malinis na
layunin na malaman ang tunay na katotohanan base sa matibay na panuntunan o
basehan.
Kapag
pinag-usapan natin ang tungkol sa relihiyon, pansamantala nating isantabi ang
mga maling kaisipan o pananaw at ating unawain ang bawat paliwanag na ating
mapapakinggan. Sa labas ng Islam, o sa mga kanluraning bansa at sa mga nasakop
ng mga ito, kapag pinag-usapan ang deen (na isinalin na Relihiyon), ang sasagi
sa kaisipan ng mga tao na ito ay relasyon lamang o pakikipag-ugnayan lamang ng
tao sa kanyang Tagapaglikha, ito ay personal na bagay lamang.
Sa madaling salita, sa labas ng Islam, hiwalay
ang relihiyon sa pamumuhay ng tao. Ini-iisang tabi nila ang relihiyon, hindi
ito kasama sa pamamahala sa mga tao o sa pamahalaan. Ang sistema na kanilang
pinaiiral sa kanilang lipunan ay hindi batas ng Tagapaglikha kundi batas na
gawa lang nila, pinalalabas nila na mas matalino ang tao kaysa sa lumikha sa
tao.
Sa
Islam, ito ay ang relasyon o pakikipag-ugnayan ng tao sa kanyang Tagapaglikha;
sa kanya mismong sarili, sa kanyang kapwa at sa kanyang kapaligiran. Kaya kahit
na sabihin ng isang tao na wala siyang relihiyon o hindi siya maililigtas nito,
sa katotohanan basta siya ay mayroong panuntunan o batas na sinusunod, sa ayaw
at sa gusto niya siya ay mayroong relihiyon. Ang relihiyon ay ang katalogo ng
sangkatauhan; ang salamin o ang pamantayan ng isang tao, upang mailagay ang
kanyang sarili sa lugar na dapat niyang kalagyan na pinili ng Nag-iisang Tunay
na Diyos na Tagapaglikha. Ang mga batas, kautusan at mga panuntunan nito ang
siyang nagsisilbing gabay sa isang tao sa pagtahak niya sa matuwid na landas na
ipinag-utos sa kanya ng kanyang Tagapaglikha.
Kaya nga, ang paniniwala ay hindi sapat kung walang bagay na magpapakita ng iyong paniniwala. Hindi sapat na maniwala lamang, pwede bang sabihin na naniniwala tapos ay hindi naman niya isinasagawa ang mga batas at kautusan?
Sinabi ng Allah sa Qur’an- Surah Al-Asr,
Chapter 103:2-3: “katiyakan ang Tao ay magiging talunan. Maliban sa naniwala
(sa kaisahan ng Allah) at gumawa ng mga mga mabubuting gawa, at nagpayuhan sa
isa’t isa ng katotohanan at nagpayuhan sa isa’t isa na maging matiisin.” Kung
papansinin natin ang mga pahayag, kailangang maniwala muna tapos ay sundan ng
mga paggawa ayon sa paniniwala. Hindi rin naman sapat ang gawa lang ng gawa
tapos ay wala namang paniniwala, ito ay hindi pwedeng paghiwalayin—paniniwala
at paggawa ayon sa paniniwala.
Tingnan
din natin ang sinabi sa Biblia ayon sa sulat ni
sa 2:17-20:
“Gayon din naman, patay ang pananampalatayang walang kalakip na gawa. ngunit may nagsasabi, may pananampalataya ka at may gawa naman ako. Sagot ko naman, ipakita mo sa akin ang iyong pananampalatayang walang kalakip na gawa, at ipapakita ko naman sa iyo sa pamamagitan ng aking mga gawa ang aking pananampalataya. Sumasampalataya ka sa Diyos, hindi ba? Mabuti iyan! Ang mga demonyo man ay sumasampalataya rin- at nangangatal pa. Ibig mo bang patunayan ko sa iyo hangal, na walang kabuluhan ang pananampalatayang walang kalakip na gawa?
sa 2:24: “Diyan ninyo makikita na ibinibilang na matuwid ang isang tao dahil sa kanyang mga gawa at di dahil sa kanyang pananampalataya lamang”.
Sa
2:26: “Patay ang katawang hiwalay sa espiritu; gayon din naman, patay ang
pananampalatayang hiwalay sa mga gawa.”
Maililigtas lamang insha-Allah ng isang
tao ang kanyang sarili kung susunod siya sa tamang relihiyon na hindi ginawa ng
tao kundi ang Nag-iisang Tunay na Diyos ang nagbalangkas, gumawa at pumili para
sa mga tao ng kanilang landas na dapat tahakin upang makamit nila ang Kanyang
pagpapala, biyaya at kapatawaran. Ang paniniwala ay dapat na tama upang tama
rin ang mga gawaing magagawa.